Գյուղնախարարությունն այլեւս չի հերքում

Օրեր առաջ «Երկիր»-ն անդրադարձել էր Ճամբարակի խոշոր եղջերավոր անասունների շրջանում դաբաղ հիվանդության տարածման դեպքերին, սակայն Հայաստանի գյուղատնտեսության նախարարությունը ոչ մի կերպ չէր ընդունում այդ իրողությունը:

Հուլիսի 15-ին աշխատանքային այցով Գեղարքունիքի մարզում է եղել գյուղատնտեսության փոխնախարար Արմեն Պողոսյանը` ԳԱՄԿ տնօրեն Վրեժ Մելքոնյանի ուղեկցությամբ, այցելել է Ճամբարակ, հանդիպումներ է ունեցել համայնքների ղեկավարների եւ գյուղացիների հետ, համոզվել, որ իսկապես դաբաղ կա:

Ծանոթանալով հիվանդության ծավալներին` փոխնախարարը խոստացել է օգնել դեղորայքով` հաշվի առնելով այն հանգամանքը, որ գյուղացին մենակ ի զորու չէ պայքարել հիվանդության դեմ:

Ավելի ուշ Գեղարքունիքի Ճամբարակի տարածքի ԳԱՄԿ խորհրդատուն տեղեկացրել է, որ որոշակի քանակությամբ դեղորայք արդեն հատկացվել է տարածքի համայնքներին` դաբաղի դեմ պայքարելու համար: