Սեպտեմբերի 1-ից ուսումնական հաստատություններում աշխատանքային ժամերը կփոխվեն

Մայրաքաղաքում տրանսպորտային հոսքերն ապակենտրոնացնելու եւ թեթեւացնելու նպատակով կրթության եւ գիտության նախարարությունը համաձայնել է Երեւանի քաղաքապետի առաջարկին` ԿԳՆ ենթակայության տակ գտնվող ուսումնական հաստատություններում եւս փոխել աշխատանքային ժամերը: Այսօր այդ մասին տեղեկացրեց ՀՀ ԿԳ նախարար Արմեն Աշոտյանը:

«Այս քայլով մենք փորձում ենք օգնել քաղաքապետին ու քաղաքին, որպեսզի մեր քաղաքն ավելի ազատ շնչի առավոտյան ժամերին, մարդիկ ավելի հեշտ հասնեն աշխատանքի եւ տրանսպորտային կուտակումներ ժամը 9-ի սահմաններում չլինեն»,- նշեց նախարարը:

Այսպիսով` սեպտեմբերի 1-ից ավագ դպրոցներում դասերը կսկսվեն ժամը 8:30-ին, իսկ պետական բուհերում` ժամը 9:30-ին: