Դրմբոնից բացի՝ Ծաղկաշատ ու Մաղավուզ

Մինչեւ հաջորդ տարվա վերջը ընդերքի օգտագործման ծրագրերն իրականություն կդառնան: Այս մասին օրերս հայտարարել է ԼՂՀ վարչապետ Արա Հարությունյանը՝ Ազգային ժողովում հարցուպատասխանի ժամանակ։

Պատասխանելով պատգամավորներից մեկի՝ հանրապետությունում երկրաբանական-հետախուզական աշխատանքների կազմակերպման ծրագրերի մասին հարցին` նա տեղեկացրել է, որ, Դրմբոնից բացի, արդեն ուսումնասիրվում է Ծաղկաշենի` պղինձ, ոսկի եւ մոլիբդեն պարունակող հանքավայրը:

«Մինչև տարեվերջ հավանական է, որ կառավարությունն ունենա ամփոփ տեղեկություններ եւ հետագա շահագործման վերաբերյալ կազմվի բիզնես-ծրագիր»,- նշել է վարչապետը՝ ավելացնելով, որ այնտեղ պաշարներն անհամեմատ ավելի մեծ են, քան Դրմբոնի ոսկու եւ պղնձի հանքերում։

Նրա խոսքերով՝ վերջերս աշխատանքներ են սկսվել նաեւ քարածխով հարուստ Մաղավուզի տարածքում։