Քարաթափում` Ծաղկաշատ - Ալավերդի ճանապարհին

Դեկտեմբերի 17-ին` ժամը 10.27-ին, տեղեկատվություն է ստացվել, որ Ծաղկաշատ - Ալավերդի 7-րդ կմ-ին տեղի է ունեցել քարաթափում. անհրաժեշտ է օգնություն:

Դեպքի վայր է մեկնել հրշեջ-փրկարարական ջոկատի օպերատիվ խումբը: Պարզվել է, որ միջհամայնքային Հ-25 ավտոճանապարի 7-րդ կմ-ին տեղի է ունեցել քարաթափում՝ մոտ 10 քմ, ինչից ճանապարհը դարձել է անանցանելի: Մինչ հրշեջ-փրկարարների կանչի վայր հասնելը` ճանապարհը տեղի ուժերով մասամբ մաքրվել է և դարձել միակողմանի երթևեկելի:

Ճանապարհի մաքրման աշխատանքներն իրականացնելու համար անհրաժեշտ է հատուկ ծանր տեխնիկա: Դեպքի մասին տեղեկացվել է Թումանյանի ՃՇՇ ինժեները և ՃԿԿ-ում կապի և տրանսպորտի նախարարության պատասխանատուն: