Ֆրանսիան հետեւում է ԱՄՆ-ի օրինակին

Ֆրանսիան իր զորքերը դուրս է բերելու Աֆղանստանից գրաֆիկով, որը նման կլինի ամերիկյան զորքերի դուրսբերման ծրագրին. հայտարարել է Ֆրանսիայի նախագահ Նիկոլա Սարկոզին:

Երկրի պաշտպանության նախարար Ժերար Լոնգեն BFM հեռուստաընկերությանը տված հարցազրույցում պարզաբանել է, որ «2012 թվականի ամռանը Աֆղանստանից դուրս է բերվելու ամերիկյան զորքերի մոտ քառորդ մասը, նույնն անելու է նաեւ Ֆրանսիան»:

Ներկայուսմ Աֆղանստանում ծառայում են մոտ 4 հազար ֆրանսիացի զինվորականներ, այսինքն` խոսքը մոտ հազար զինվորի մասին է:

Մեկ օր առաջ ԱՄՆ նախագահ Բարաք Օբաման հայտարարել էր 2012-ի ամռանը Աֆղանստանից 33 հազար զինծառայող դուրս բերելու ծրագրի մասին: