Կոմունիստական դրոշը փուչիկներով օդ են բարձրացրել

Լվովում ոստիկանությունը նախապատրաստվել էր հնարավոր բախումներին, որոնք կարող էին լինել հունիսի 22-ին` Հայրենական մեծ պատերազմի սկսման 70-րդ տարելիցի օրը` կոմունիստական դրոշը երկինք բարձրացնելու հետ կապված:

Սակայն կոմունիստ ակտիվիստները ոստիկանների հետ բախումներից խուսափելու յուրահատուկ լուծում են գտել. նրանք կարմիր դրոշը երկինք են բարձրացրել 300 փուչիկի միջոցով:

Ակտիվիստները կարծում են, որ սա դրոշը բարձրացնելու միակ միջոցն է եղել, մյուս դեպքերում բախումն ազգայնականների հետ անխուսափելի կլիներ:

РИА “Новости”-ն հաղորդում է, որ հակառակ այս ամենին, Լվովի քաղաքապետարանն էլ փողոցներում հակակոմունիստական կոչերով գովազդային վահանակներ է տեղադրել` «Կոմունիզմ=Նացիզմ» եւ նմանատիպ այլ արտահայտություններով: