Անճշտությունների պատճառով աշակերտները չեն տուժի

Այսօր 3 առարկաներից միասնական քնությունն է հանձնել շուրջ 240 դիմորդ. աշխարհագրություն առարկայից` ԼՂՀ-ն միասին, դիմում-հայտ էր ներկայացրել 35 դիմորդ, ընդհանուր պատմությունից` 71, կենսաբանությունից` 134: Քնություններին չի ներկայացել 2 դիմորդ:

Գնահատման եւ թեստավորման կենտրոնի (ԳԹԿ) տնօրեն Գուրգեն Խաչատրյանը նկատել է, որ երբ մասնագետները դիմորդների հետ զուգահեռաբար լուծում են թեստերը, դրանցում որոշ անճշտություններ են հայտնաբերվում. կան առաջադրանքներ, որոնք պետք է վերանայել:

ԳԹԿ մամուլի ծառայության պատասխանատու Գայանե Մանուկյանը ԵՐԿԻՐ-ի հետ զրույցում նշեց, որ այն աշակերտների միավորները, որոնց թեստերում նույնպես նկատվել են անճշտություններ, կբարձրանան. «Անկախ նրանից` դիմորդը բողոքարկել է, թե` ոչ, միավորը մեխանիկորեն բարձրացվելու է»: