Թուրքիայի ֆեդերացիան 4 մլն ֆունտ է պահանջում Հինդինկի համար

Լոնդոնի «Չելսիի» ներկայացուցիչները բանակցություններ են սկսել Թուրքիայի ֆուտբոլի ֆեդերացիայի հետ` Թուրքիայի ազգային հավաքականի գլխավոր մարզիչ Գուս Հիդինկին հրավիրելու նպատակով: Ինչպես տեղեկացնում է անգլիական The Independent-ը, թուրքական կողմը պահանջում է 4 միլիոն ֆունտ ստերլինգ` պայմանագիրը ժամանակից շուտ խզելու համար: Հիդինկի պայմանագրի ժամկետը սպառվում է 2012-ի ամռանը:

Հիդինկի գործակալը հերքել է  լուրերը` վստահեցնելով, որ աշնանը Թուրքիայի հավաքականը, հոլանդացու գլխավորությամբ, կշարունակի Եվրոպայի առաջնության ընտրական հանդիպումները:

Հիշեցնենք, որ դեռ 2009-ին Հիդինկը Ռուսաստանի ազգային հավաքականի գլխավոր մարզչի պաշտոնը լքեց «Չելսին» գլխավորելու նպատակով և նվաճեց Անգլիայի գավաթը:

 Այս մրցաշրջանում լոնդոնյան ակումբը ձախողվեց և Աբրամովիչը հեռացրեց Անչելոտիին, այդպիսով գլխավոր մարզչի պաշտոնը թափուր մնաց: