Ծառայությունների գինն իջել է

Բնակչությանը մատուցված ծառայությունների ոլորտում 2011թ. մայիսին, ապրիլի համեմատ, արձանագրվել է սակագների 0.1% գնանկում, ինչին հիմնականում նպաստել է հանգստի կազմակերպման ծառայությունների` 3.2%, բնակարանային-կոմունալ` 0.5%,  մշակույթի ոլորտի 0.1%  սակագների նվազումը:

Սա, իր հերթին, պայմանավորված է անապահով ընտանիքներին մատակարարվող բնական սուբսիդավորմամբ. սրա  արդյունքում գազի գինը իջել է 1.0 տոկոսով:

Բուժսպասարկման ծառայությունների սակագները նշված ժամանակահատվածում աճել են 0.1%-ով, հանրային սննդինը` 0.1%-ով,  իրավական ու բանկային ծառայություններինը` 0.6 տոկոսով,  տրանսպորտինը 0.9 տոկոսով,  իսկ կենցաղային բնույթի,  կապի,  կրթության համակարգի ծառայությունների սակագների մակարդակը, նախորդ ամսվա համեմատ, մնացել է անփոփոխ:

Հանրապետության դիտարկված 9 քաղաքներում 2011թ. մայիսին, ապրիլի համեմատ, արձանագրվել է ծառայությունների սակագների 0.2-0.1%  նվազում,  մեկում` 0.2%  գնաճ,  մեկ քաղաքում էլ պահպանվել է սակագների նախորդ ամսվա մակարդակը: Մայրաքաղաքում ծառայությունների սակագները նվազել են 0.2 տոկոսով: