Շարապովան հարմարվել է հողածածկին

Աշխարհի նախկին ուժեղագույն թենիսիստուհի, ռուսաստանցի Մարիա Շարապովան Ռոլան Գարոս-2011-ի շրջանակներում լեհուհի Ագնեշկա Ռադվանսկային հաղթելուց հետո, հետխաղյա մամուլի ասուլիսում ասել է.

«Ես իսկապես առաջ ասում էի, որ զգում եմ ինձ ինչպես կովը՝ սառույցին, սակայն հիմա շատ բան է փոխվել: Այսպիսի զգացողություն ունենում ես այն ժամանակ, երբ խոտածածկի վրա երկարատև պարապմունքներից հետո տեղափոխվում ես հողածածկ՝ հարմարվելը դժվար է: Մրցաշարի սկզբում ես դժվարությամբ էի տեղաշարժվում  հողածածկի վրա և շատ վատ էի ինձ զգում խաղից հետո: Այժմ հարմարվել եմ և նման խնդիրներ չեն ծագում: Կարծում եմ` ես կհաղթեմ French Open-2011-ը»: