Վոզնյացկին լքեց Ռոլան Գարոսը

Ռոլան Գարոս-2011-ում  իր ելույթներն ավարտեց աշխարհի ուժեղագույն թենիսիստուհի, դանիացի Կարոլին Վոզնյացկին։ Կարոլինը երրորդ փուլում հանդիպել էր Սլովակիայի ներկայացուցիչ  Դանիելա Հանտուխովայի հետ։ Վերջինս էլ երկու սեթերի արդյունքում ջախջախիչ` 6:1, 6:3 հաշվով պարտության է մատնել մրցակցին։ Հանդիպումը տևել է 1 ժամ 13 րոպե։

Չորրորդ փուլում Հանտուխովան կհանդիպի ռուսաստանցի Սվետլանա Կուզնեցովայի հետ, որն իր հերթին հաղթել է Կանադայի ներկայացուցիչ Ռեբեկա Մարինոյին՝ 6:0, 6:4։

Պարտությունից հետո Վոզնյացկին ասել է. «Նա  ինձնից անհամեմատ լավ էր խաղում: Պարտությունն իսկապես տհաճ էր, սակայն ես այլ դեղատոմս չունեմ, բացի պարապելուց և կատարելագործվելուց»: