Աշխարհում 235 մլն մարդ է տառապում բրոնխիալ ասթմայով

Առողջապահության համաշխարհային կազմակերպության տվյալներով՝ աշխարհում 235 մլն մարդ է տառապում բրոնխիալ ասթմայով։ Ընդ որում` սա երեխաների շրջանում ամենատարածված խրոնիկ հիվանդությունն է։

Յուրաքանչյուր տարի մայիսի առաջին երեքշաբթի օրը նշվում է Ասթմայի համաշխարհային օրը։ Այն հռչակվել է ԱՀԿ-ի կողմից և անցկացվում է «Ասթմայի դեմ գլոբալ նախաձեռնության» (Global Initiative for Asthma – GINA) հովանու ներքո:

Այս տարի Ասթմայի համաշխարհային օրն անցկացվում է «Դու կարող ես վերահսկել քո ասթման» նշանաբանով: GINA-ի գործադիր կոմիտեն այն հատուկ է ընտրել, որպեսզի ընդգծի, որ գոյություն ունի ասթմայի արդյունավետ բուժում: