ՄԱԿ-ը զգուշանում է

ՄԱԿ-ի գլխավոր քարտուղար Պան Գի Մունը երեկ մեծ զգուշավորությամբ է ողջունել պաղեստինյան ՖԱԹՀ եւ ՀԱՄԱՍ շարժումների հաշտեցումը` ընդգծելով նաեւ, որ դա չպիտի խոչընդոտի Իսրայելի հետ խաղաղ բանակցություններին:

Նա ցանկություն է հայտնել, որ քիչ ծայրհեղական ՖԱԹՀ-ը ղեկավարի ազգային միասնության կառավարությունը:

«ՄԱԿ-ը ուշադիր կուսումնասիրի հաշտեցման մասին համաձայնագիրը, երբ մանրամասն տեղեկատվություն ստանա այդ գործարքի մասին»,- ասել է ՄԱԿ-ի գլխավոր քարտուղարի մամուլի քարտուղարը:

Պաղեստինյան ՖԱԹՀ եւ ՀԱՄԱՍ շարժումները պայմանավորվել են համատեղ կառավարություն ստեղծել, նաեւ Պաղեստինում համընդհանուր ընտրություններ անցկացնել: Նախնական համաձայնագիրը ստորագրվել է միջնորդ Եգիպտոսի մայրաքաղաք Կահիրեում: