Հովհաննես Պողոս Երանելի

Հռոմի նախկին պապ Հովհաննես Պողոս Երկրորդին երանելիների շարքը դասելու` բեատիֆիկացման նախապատրաստությունների համար նրա սարկոֆագը հանվել է Վատիկանի Սբ Պետրոս եկեղեցու ստորգետնյա դամբարանից:

Հաջորդ շաբաթվա սկզբին Կարոլ Վոյտիլան կհայտարարվի կաթոլիկ եկեղեցու երանելի: Դա վերջին անհրաժեշտ քայլն է սրբերի շարքը դասվելու համար:

Հանդիսավոր արարողությունը տեղի կունենա վաղը` Վատիկանում. կմասնակցեն 60 երկրների պատվիրակություններ, մոտ 2,5 մլն ուխտավորներ աշխարհի տարբեր երկրներից:

Կարծիք կա, թե Հռոմի պապերի սրբացումը սովորական երեւույթ է, սակայն դա այդպես չէ: Սուրբ աթոռի երկհազարամյա պատմության ընթացքում եղել է 264 Հռոմի պապ` չհաշված Պետրոս առաքյալին: Նրանցից սրբերի շարքն է դասվել ընդամենը 79-ը, երանելիների` 11-ը: