Փոխարժեքներ
05 10 2024
|
||
---|---|---|
USD | ⚊ | $ 386.99 |
EUR | ⚊ | € 426.85 |
RUB | ⚊ | ₽ 4.07 |
GBP | ⚊ | £ 509.55 |
GEL | ⚊ | ₾ 141.53 |
Հերյուրանք է, թե իբր «Ժառանգության» փոխնախագահ Ռուբեն Հակոբյանը եւ ՀԱԿ ներկայացուցիչ Արամ Մանուկյանը բանակցել են. այսօր լրագրողների հետ հանդիպման ժամանակ ասաց ԱԺ «Ժառանագություն» խմբակցության ղեկավար Ստյոպա Սաֆարյանը:
Անդրադառնալով Րաֆֆիի Հովհաննիսյանի եւ Լեւոն Տեր-Պետրոսյանի Պանթեոնում տեղի ունեցած հանդիպմանը` Ս. Սաֆարյանը ասաց. «Միավորվելու խնդիրները, գոնե մեր պատկերացմամբ, փողոցում ոտքի վրա չեն քննարկվում, առավել եւս` նախապես չհամաձայնեցնելով»:
Իսկ թե ինչի մասին են զրուցել նրանք, Ս. Սաֆարյանը չգիտեր, քանի որ հետաքրքրված չէ դրանով: Եթե առիթ լիներ երկու ընդդիմադիր ուժերի հարաբերությունները նոր հարթություն տեղափոխելու համար, ապա կուսակցությունը վարչության արտահերթ նիստ կգումարեր, կքննարկեր եւ որեւէ որոշում կընդուներ:
«Եթե Րաֆֆի Հովհաննիսյանը հարկ չի համարել անհապաղ տեղյակ պահել այդ զրույցի բովանդակության մասին, ապա նշանակում է, որ գոնե այս պահին այդ զրույցը քաղաքական հետեւանք ունենալ չի կարող»,- ասաց Ս. Սաֆարյանը: