Ինչքան "պուպուշ" է իշխանությունը

«Երանի թե դուք այս երկիրը նորմալ ղեկավարեիք, եւ այս երկիրը խնդիր չունենար: Ես համոզված եմ, որ այդ ժամանակ ընդդիմությունը հիմք չէր ունենա հարյուրհազարանոց միտինգ անելու»,- լրագրողների հետ հանդիպման ժամանակ ասաց ՀԱԿ ներկայացուցիչ Սուրեն Աբրահամյանը:

Նա նաեւ նշեց, որ եթե իշխանության եւ ընդդիմության միջեւ փոխըմբռնում լինի, ապա երկրորդական կլինի, թե «ինչքան պուպուշ կամ վատն է իշխանությունը»:

«Մեզ համար ամենակարեւորն այս երկրի ապագան է: Միանգամայն պարզ է` մեր երկիրը կանգնած է կոլապսի առջեւ: Երբեք Հայաստանում այդքան դժվար չի եղել ապրել, որքան հիմա»,- ասաց Աբրահամյանը:

Իսկ ՀՀԿ-ական Մկրտիչ Մինասյանը կարծում է, որ երկխոսության հնարավորություն կա:

«Կան խնդիրներ, որոնց շուրջ կարելի է զրուցել եւ բանակցել: Քաղաքական բարի կամք մեր կողմից կա, իսկ ընդդիմության կողմից իրատեսական եւ կոնստրուկտիվ մոտեցումներ, կարծես թե, կան»,- ասաց նա: