Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Երեկ ԼՂՀ կառավարությունում առողջապահության ոլորտի պատասխանատուների հետ հանդիպման ժամանակ Քաշաթաղի շրջանային հիվանդանոցի գլխավոր բժիշկը բարձրացրել է շրջանի գյուղերում բուժկետերի բացակայության հարցը` նշելով, որ շատ գյուղերում բուժքույրերը կամ բժիշկները հիվանդներին ընդունում են իրենց տանը:
Նրան նաեւ հետաքրքրել է, թե ե՞րբ են սկսվելու շրջանային հիվանդանոցի շենքի շինարարական աշխատանքները:
Ի պատասխան վարչապետ Արա Հարությունյանը տեղեկացրել է, որ 10-15 օրից շինարարական աշխատանքները կսկսվեն Բերձորում, որոնք ավարտին կհասցվեն 2012 թվականին: Ամբողջությամբ կվերակառուցվի նաեւ շրջանի Կովսական քաղաքի հիվանդանոցը:
Ինչ վերաբերում է բուժկետերի բացակայությանը, ըստ վարչապետի, նման խնդիր կան նաեւ մյուս շրջաններում, սակայն կառավարությունն այդ ուղղությամբ քայլեր է ձեռնարկում:
Առողջապահության նախարար Սերգեյ Մովսեսյանի տեղեկացմամբ՝ անցյալ տարի Քաշաթաղի եւ Շահումյանի շրջաններում շարունակվել է շարժական կլինիկայի ծրագիրը: Մասնագետներն ընդունել են 443 հիվանդների եւ շարժական ախտորոշիչ կենտրոնի միջոցով իրականացրել 257 տարբեր հետազոտություններ: