Վրաստանում մի շատ ցավոտ հարց կա` ազգային փոքրամասությունների հարցը

Հայաստանն ու Վրաստանը միշտ լավ հարեւաններ են եղել, որը կարող էր նաեւ ընկերություն կոչվել. երեկ ԵԽԽՎ-ում Վրաստանի պարտավորությունների կատարման վերաբերյալ քննարկման ժամանակ ասել է Հայաստանի պատվիրակության անդամ Արմեն Ռուստամյանը:

Նա նշել է, որ Թուրքիայի եւ Ադրբեջանի կողմից Հայաստանի շրջափակումը այլ ճանապարհ չի թողել, քան Վրաստանի միջոցով շփում իրականացնել այլ երկրների հետ, եւ Հայաստանի իշխանությունները ողջունում են այդ հարցում աջակցությունը: Սակայն, ըստ Ա. Ռուստամյանի, Վրաստանում մի շատ ցավոտ հարց կա` ազգային փոքրամասությունների հարցը, թեեւ 10 տարի առաջ Վրաստանը պարտավորվել էր ընդունել տարածաշրջանային կամ ազգային փոքրամասնությունների լեզվի մասին եվրոպական խարտիան, նաեւ կրոնական հանդուրժողականություն ցուցաբերել այլ դավանանքների եւ հարանվանությունների նկատմամբ: Մինչդեռ Հայ Առաքելական եկեղեցին մինչ օրս պաշտոնական կարգավիճակ չունի Վրաստանում: