Նախընտրական արշավը սկսվել է

Այսօր ԱՄՆ նախագահ Բարաք Օբաման պաշտոնապես հայտարարել է 2012 թվականի նախագահական ընտրություններին մասնակցելու մասին:

«Նախընտրական արշավը սկսվել է: Մենք բացում ենք գրասենյակներ եւ սկսում ենք զրույցը մեր կողմնակիցների հետ, թե ինչպես ճանապարհ հարթել դեպի հաղթանակ: 2012 թվականը սկսվում է հիմա»,- ասվում է Օբամայի կայքում տեղադրված հայտարարության մեջ:

Մոտ ժամանակներս Սպիտակ տան ղեկավարը Դաշնային ընտրական հանձնաժողովին է ներկայացնելու անհրաժեշտ փաստաթղթերը, ինչը հնարավորություն կտա նրան աջակցելու հանգանակություններ սկսել:

Ի դեպ, 2008 թվականի նախընտրական արշավի ընթացքում Օբաման հավաքել էր 750 մլն դոլար: