Ռուս երկրպագուներին բերման են ենթարկել

Մարտի 25-ին` ժամը 03.30-ին, ոստիկանության «Զվարթնոց» օդանավակայանի գծային բաժնում ահազանգ է ստացվել, որ Մոսկվա-Երևան թիվ 191 չվերթի ինքնաթիռում խուլիգանություն է կատարվում:

Ինքնաթիռի վայրէջքից հետո ոստիկանության աշխատակիցները  խուլիգանություն կատարելու կասկածանքով բերման են ենթարկել ՌԴ քաղաքացիներ` 1970 թ. ծնված Անտոն Վ.-ին, 1980 թ. ծնված Բոգդան Ա.-ին, 1980 թ. ծնված Սերգեյ Ս.-ին, 1982 թ. ծնված Սերգեյ Պ.-ին, 1975 թ. ծնված Դմիտրի Կ.-ին և 1980 թ. ծնված Միխայիլ Գ.-ին:

Պարզվել է, որ թռիչքի ժամանակ նրանք վիճաբանել են, հայհոյել, հարվածներ հասցրել միմյանց, պատճառել մարմնական վնասվածքներ` խախտելով հասարակական կարգը. տեղեկացնում է ՀՀ ոստիկանության լրատվական ծառայությունը:

ՀՀ քրեական օրենսգրքի 258 հոդվածի 2-րդ մասով հարուցվել է քրեական գործ: