ՀԱՅԿԱԿԱՆ ԺԱՄԱՆԱԿ. Դուբայ, Դուբայ

ԱԺ պատգամավորներին հատկապես վերջին շրջանում շատ է սկսել գրավել ԱՄԷ-ն:

Նախօրեին էլ, օրինակ, Դուբայ թռչող ինքնաթիռի մեջ էր ՀՀԿ-ական պատգամավոր Աշոտ Աղաբաբյանը (Բուռնաշ): Երբ ԱԺ լրատվական ծառայությունից փորձեցինք ճշտել, թե ինչո՞ւ է Աղաբաբյանը Դուբայ մեկնում, մեզ պատասխանեցին. «Առողջության հետ կապված հարցերով»:

Նշենք, որ Աղաբաբյանը խորհրդարանի նիստերից ամենաշատ բացակայող պատգամավորներից մեկն է: Երբ հարցրինք, թե արդյոք նրա բացակայությունները հարգելի՞ են, եւ ո՞րն է այդքան բացակայելու պատճառը, նույն ծառայությունից մեզ պատասխանեցին, թե Աղաբաբյանի բացակայությունների պատճառը առողջական խնդիրներն են:

Թե այդ ի՞նչ լուրջ առողջական խնբդիրներ ունի սույն պատգամավորը, չի ասվում:

Նշենք, որ նույն օրը Դուբայ թռչող ինքնաթիռի մեջ է եղել նաեւ մշակույթի նախարար Հասմիկ Պողոսյանը: