Հարբած ադրբեջանցու պատճառով Դուբայ-Մոսկվա օդանավն արտակարգ վայրէջք կատարել Երևանում

Ռուսական «Աերոֆլոտ» ավիաընկերության  օդանավը, որն այս գիշեր Դուբայից ուղևորվել է Մոսկվա, արտակարգ վայրէջք է կատարել Երևանում. հայտնում է РИА Новости-ն:

Օդանավը «Զվարթնոց»-ում վայրէջք է կատարել առավոտյան ժամը 05.00-ին և այնտեղ գտնվել մոտ 2,5 ժամ: Պատճառը հարբած ուղևորն է եղել, որը անկարգ է պահել իրեն օդանավում: Պարզվել է,  որ նա Ադրբեջանի քաղաքացի է: Ականատեսների խոսքերով՝  մոտ վեց տղամարդ հազիվ են կարողացել նրան զսպել:

Նշվում է, որ օդաչուները տղամարդուն ցանկացել են հանձնել ՀՀ ոստիկաններին, սակայն վերջիններս հրաժարվել են նրան ընդունել: Նրանք ադրբեջանցուն  ձեռնաշղթա են հագցրել, իսկ ժամանած բուժաշխատողները հանգստացնող ներարկում են արել: Օդանավը թռիչքը շարունակել է քնած ադրբեջանցու հետ: