Օբամայից հաշվետվություն է պահանջում

Ներկայացուցիչների պալատի խոսնակ Ջոն Բեյները նախագահ Բարաք Օբամայից պահանջել է ԱՄՆ Կոնգրեսին ներկայացնել, թե ո՞րն է Լիբիայում իրականացվող ռազմական գործողությունների նպատակը. հաղորդում է Reuters-ը:

Բեյները Օբամային ուղղված իր նամակում նշել է, թե ապշած է, որ ԱՄՆ-ը իր ռազմական ռեսուրսներն է օգտագործում, այնինչ` հստակ ձեւակերպված չէ, թե ո՞րն է իր առաքելությունն այս դեպքում:

Կոնգրեսի խոսնակն ընդգծել է նաեւ, որ ՄԱԿ-ի Անվտանգության խորհրդի բանաձեւը, որի համաձայն` կոալիցիայի անդամները ռազմական գործողություն են իրականացնում Մուամար Քադաֆիի ռեժիմի դեմ, չի կարող ԱՄՆ-ի համար Լիբիայի հարցի ռազմավարություն լինել: