Պարոն նախագահ, շատ եմ ցավում. Քլինթոնը ներողություն է խնդրել Բարաք Օբամայից պարտության համար

ԱՄՆ նախագահական ընտրությունների նախկին թեկնածու Հիլարի Քլինթոնը ներողություն է խնդրել Բարաք Օբամայից պարտության համար, գրում է «The Washington Post»-ը՝ վկայակոչելով լրագրողներ Ջոնաթան Ալենի և Էմի Փարնսի գրքից մի հատված, որում մանրամասն նկարագրված է ձայների հաշվարկի գիշերը: Երբ հասկանալի է դարձել, որ նախագահական ընտրություններում հաղթանակ է տարել Դոնալդ Թրամփը, Քլինթոնը սկսել է շնորհավորանքի և ներողության արարողությունը:

«Պարոն նախագահ, շատ եմ ցավում»,- ասել է Քլինթոնը՝ Օբամային: 

Այնուհետև Քլինթոնը հեռախոս է խնդրել և շնորհավորել Դոնալդ Թրամփին՝ ասելով. «Ընդունիր իմ շնորհավորանքները, Թրա՛մփ»: