Երեք ճգնաժամ` եվրոյի գոտում

Եվրոյի գոտում միաժամանակ երեք ճգնաժամ է` արժութային, բանկային եւ արժեթղթերի շուկայի. Financial Times-ին տված հարցազրույցում այսօր ասել է հայտնի ֆինանսիստ Ջորջ Սորոսը:

«Երբ ստեղծվում էր եվրոյի գոտին, ենթադրվում էր, որ այն հավասարեցնելու է ԵՄ անդամ երկրների տնտեսական եւ ֆինանսական ցուցանիշները, սակայն իրականում հակառակը ստացվեց»,- նշել է նա:

Արդյունքում` ներկայումս եվրոյի գոտում ստեղծվել է երկշերտ համակարգ, երբ կան հաստատուն դրական առեւտրային սալդոյով երկրներ, օրինակ` Գերմանիան, եւ քրոնիկ բացասական սալդոյով մի շարք միջերկրածովյան երկրները: «Այդ երկրներն անտանելի վիճակում են»,- ընդգծել է ֆինանսիստը: