Բաքվի մոտակայքում հրաբուխ է ժայթքել

Բաքվի մոտակայքում հրաբուխ է ժայթքել, որի բոցը բարձրացրել է ավելի քան 50 մետր: Մինչ ժայթքումը պայթյուն է որոտացել, ապա երեւացել է հրե բոց. տեղեկացնում է 1news.az-ը:

Հնարավոր արտակարգ վիճակները բացառելու համար անմիջապես դեպքի վայր են մեկնել արտակարգ իրավիճակների նախարարության մասնագետները:

Ներկայումս բոցի բարձրությունը 2 մետր է, սակայն ցեխի ժայթքումը շարունակվում է, խառնարանի մոտ հայտնվել են բազմաթիվ ճեղքեր:

Բացի այդ, ըստ կայքի, ԱՄՆ կառավարության երկրաբանական հետազոտությունների ծառայությունը տեղեկացրել է, որ այսօր Բաքվից 65 կմ արեւմուտք երկրաշարժ է գրանցվել` 4,4 մագնիտուդով: Մայրաքաղաքում ցնցումները չեն զգացվել: