Ամենաժողովրդավար ձեւով կազմված պատվիրակությունը

«Եվրանեսթում» Հայաստանի պատվիրակության ղեկավար Վահան Հովհաննիսյանը  Ադրբեջանի պատվիրակության բոլոր անդամներին չի ճանաչում, ընդամենը կարդացել է նրանց կենսագրություններն ու նկարներն է տեսել: Անձամբ ճանաչում է միայն ադրբեջանական պատվիրակության ղեկավարին, որը «Հայաստանի ադրբեջանցի է, բայց  զուսպ մարդ է»:

Իսկ Հայաստանի պատվիրակությունը, Վահան Հովհաննիսյանի համոզմամբ, «ամենաժողովրդավարական ձեւով է կազմվել». անդամներ կան ե'ւ ընդդիմադիր, ե'ւ իշխանամետ կուսակցություններից, ի տարբերություն վրացական եւ ադրբեջանական պատվիրակությունների, որոնց անդամները բացառապես իշխանական թեւի ներկայացուցիչներ են:

«Եվրանեսթում» հայկական պատվիրակության անդամները տասն են` երեք հանրապետական, երկու դաշնակցական, երկու ԲՀԿ-ական, եւ մեկական անդամ ՕԵԿ ու «Ժառանգություն» կուսակցություններից: