Իրանական ռազմանավերը հատել են Սուեզի ջրանցքը

Հունվարի 22-ի վաղ առավոտյան իրանական երկու ռազմանավ հատել են Սուեզի ջրանցքը եւ մուտք գործել Միջերկրական ծով:

Օրեր առաջ Եգիպտոսի իշխանությունները դրական պատասխան էին տվել Կահիրեում Իրանի դեսպանության` Սուեզի ջրանցքով իրանական նավերի նավարկման հայցին: Եգիպտոսի հեռուստաընկերություններից մեկը հայտարարել էր, որ իրանական նավերում զանգվածային ոչնչացման զենք չկա:

Այդուհանդերձ, փաստը լուրջ անհանգստություն է առաջացրել Իսրայելում, որովհետեւ նավերն ուղեւորվում են Սիրիա, որի հետ Իսրայելը դեռեւս ֆորմալ պատերազմի մեջ է: Իսրայելի արտաքին գործերի նախարար Աբիգդոր Լիբերմանը իրանական ռազմանավերի մուտքը Սուեզի ջրանցք անվանել է սադրանք, «ինչը փաստում է, որ իրանցիների ինքնավստահությունը եւ հանդգնությունը աճում են օր օրի»: