ԵՐԿԻՐ. Կդիմանա՞ "Գրանդ հոլդինգը"

Չնայած Հրանտ Վարդանյանի կողմից հնչող հավաստիացումներին, թե ինքը չի պատրաստվում սահմանափակել իր գործունեության շրջանակները Հայաստանում, մեր տեղեկություններով, նրա հակասությունները Պետական եկամուտների կոմիտեի նախագահի հետ շարունակում են սրվել: Պատճառները հասկանալի են: Դրանք չեն կարող անամպ լինել, չէ՞ որ նրանցից մեկը ծխախոտ եւ շոկոլադ արտադրող է, իսկ մյուսը՝ այդ նույն ապրանքները ներմուծող:

Եվ պատահական չէ, որ հարկային օրենսդրության փոփոխությունից հետո 24 խոշոր ձեռնարկությունների ցանկում, որտեղ Պետեկամուտների կոմիտեն պետք է հարկային ներկայացուցիչներ նշանակեր, հայտնվեցին Վարդանյան ընտանիքին պատկանող բոլոր ձեռնարկությունները:

Մենք շարունակելու ենք հետեւել դեպքերի ընթացքին, մանավանդ` դրանք խոստանում են շատ հետաքրքիր ընթացք ունենալ: