Հայաստանը 7-րդ հորիզոնականում է

Մինսկում կայացած հունահռոմեական ոճի ըմբշամարտի աշխարհի գավաթի խաղարկությունում Հայաստանի հավաքականը գրավել է 10-ից 7-րդ հորիզոնականը։

Հայ ըմբիշները 1։6 հաշվով զիջել էին Ռուսաստանին, 0։7 հաշվով՝ Ադրբեջանին։

Հայաստանը, որը ոչ մարտական կազմով էր մեկնել Բելառուս, պարտություն է կրել նաև Ղազախստանից՝ 2։5, ապա նույն հաշվով հաղթել է Բուլղարիային։

7-րդ տեղի համար մրցավեճում հայ մարզիկները 6։1 հաշվով հաղթել են Կուբային, որը ևս ուժեղագույն կազմը չէր բերել Մինսկ։

Եզրափակչում Իրանը 4։3 հաշվով առավելության է հասել Ռուսաստանի նկատմամբ, իսկ 3-րդ տեղի համար մրցամարտում Բելառուսը նույն հաշվով պարտության է մատնել Ադրբեջանին։