Շիրակում առատ ձյուն է տեղում

Երկրորդ օրն է Շիրակի մարզում չեն դադարում ձյան տեղումները, ինչի պատճառով ինչպես Գյումրիի, այնպես էլ բոլոր միջհամայնքային ճանապարհները դարձել են դժվարանցանելի, իսկ Աշոցքի, Ամասիայի և Ախուրյանի մի շարք գյուղերի  ճանապարհները ամբողջովին փակ են:

Շիրակի մարզպետարանը հավաստիացնում է, թե գործի է դրված առկա ամբողջ տեխնիկան, սակայն օգուտ չկա, քանի որ ձյունը մի կողմից մաքրվում է, մյուս կողմից`շարունակում է տեղալ ու փակել ճանապարհները. տեղեկացնում է shirakcenre.org-ը: 

ԱԻՎ նախարարության փրկարար տեղեկատուից ԵՐԿԻՐ-ին ասացին, որ  առատ ձյան պատճառով փակ են Շիրակի միջհամայնքային ճանապարհները, իսկ Երևան-Գյումրի մայրուղին բաց է: Այս պահին Շիրակի մարզում աշխատում է 17 մեքենա, եւս 9-ը` Արագածոտնի մարզում: