Յոթ զոհ` ադրբեջանական զորամասում

Փետրվարի 20-ին ադրբեջանական զորամասերից մեկում յոթ զինծառայող է սպանվել. տեղեկացնում է ադրբեջանական «Թրենդ» գործակալությունը:

Կատարվածի մանրամասներն առայժմ հայտնի չեն: Հանրապետության պաշտպանության նախարարությունը եւ զինդատախազությունը հանդես են եկել համատեղ հայտարարությամբ, որում, սակայն, չի ասվում, թե ով եւ ինչու է զանգվածային սպանություն կատարել: Ընդամենը նշվում է, որ զորամասում «քրեական դեպք» է տեղի ունեցել: Հրապարակվել է նաեւ տեղեկատվություն սպանվածների մասին. սպանվել են 2010-ին զորակոչվածները:

Մինչդեռ «Ֆրանս պրես» գործակալությունը հաղորդում է, որ յոթ զինծառայողներին գնդակահարել է նրանց հետ ծառայող մի զինվոր: