Մեղավորը Ռոբերտ Քոչարյանն է

ՀԱԿ ներկայացուցիչ Դավիթ Շահնազարյանի գնահատմամբ` վերջին ներքաղաքական զարգացումների արդյունքում էականորեն փոխվել է Հայաստանի ներքաղաքական ներկապնակը, իսկ այդ ամենի մեղավորը Ռոբերտ Քոչարյանն է:

«Քոչարյանը, մնալով ստվերում, ԲՀԿ-ի օգնությամբ փորձում է ապակայունացնել Հայաստանի ներքաղաքական իրավիճակը, եւ նրան արդեն հաջողվել է ապակայունություն մտցնել կոալիցիայում»,- կարծում է Դավիթ Շահնազարյանը:

Վերջինիս համոզմամբ` ՀՀԿ-ն` Սերժ Սարգսյանի գլխավորությամբ,  փորձում է պահպանել իր դիրքերը, քանի որ վայելում է Արեւմուտքի աջակցությունը, իսկ Քոչարյանը փորձում է տպավորություն ստեղծել, թե ունի Կրեմլի աջակցությունը, «սակայն դա բացառված է»:

«Քոչարյանի նպատակն իրավիճակն ապակայունացնելն է, իսկ ՀԱԿ-ը Հայաստանի անվտանգության երաշխավորն է»,- հայտարարեց Շահնազարյանը:

ՀԱԿ ներկայացուցիչը խորհուրդ տվեց ԲՀԿ-ին` տարանջատվել  «ապագա ամբաստանյալից», որպեսզի կարողանա քաղաքական դաշտում տեղ ունենալ: