Ոչնչացվել է 165 գլուխ խոզ

Մեկ ամսվա ընթացքում աֆրիկյան ժանտախտի պատճառով Արցախում ոչնչացվել է 165 գլուխ խոզ: Ժանտախտի դեպքերը գրանցվել են Ստեփանակերտում, որտեղ, ի դեպ, միանգամից 73 գլուխ խոզ է ոչնչացվել, Քարվաճառում, Հադրութի շրջանի Մեծ Թաղեր գյուղում, իսկ վերջին դեպքը գրանցվել է հունվարի 31-ին՝ Ասկերանի շրջանի Լուսաձոր գյուղում:


Արցախի գյուղատնտեսության նախարարության պատասխանատուների վստահեցմամբ` անասնաբուժական կայանի մասնագետներն ամենօրյա վերահսկողություն են իրականացնում մսի վաճառքի կետերում: Շրջաններից բերված միսը ստուգվում է նաեւ տեղի անասնաբույժի կողմից:

 
Ըստ գյուղնախարար Արմո Ծատուրյանի` ժանտախտի տարածումը կանխելու համար անհրաժեշտ է առաջին հերթին խոզ պահողների աջակցությունը, սակայն նրանք չեն հետեւում նախարարության խորհուրդներին եւ շարունակում են խոզերը պահել բաց տարածքներում: