Չեռնոբիլյան աղետի մերօրյա հետեւանքները

1986 թվականի ապրիլի  26-ին ուկրաինական Չեռնոբիլ քաղաքի ատոմակայանում տեղի ունեցած վթարի հետեւանքները աղետից  25 տարի անց էլ իրենց զգացնել են տալիս: Այստեղ սովորական են դարձել ֆիզիկական տարբեր արատներով ծնվող երեխաները, կենդանիները եւ բույսերը:

Վերջերս գիտնականները նոր, զարմանալի բացահայտումներ են արել Չեռնոբիլի տարածքում: Պարզվել է, որ քաղաքում եւ մերձակա շրջաններում ապրող 550 տեսակի թռչունների ուղեղի  ծավալը հինգ անգամ ավելի փոքր է, քան այլ վայրերում ապրող նույն տեսակի թռչուններինը:

Ընդ որում՝ ամենազարմանալին այն է,  որ այդպես է միայն վերջին երեք տարում ծնված թռչունների մոտ: Փաստորեն, ճառագայթման նվազմանը զուգընթաց կենսաբանական եւ կլիմայական պայմանները ոչ թե բարելավվում, այլ վատթարանում են:

Գիտնականները մտավախություն ունեն, որ ուղեղի ծավալի փոքրացումը կարող է սպառնալ նաեւ Չեռնոբիլում նոր ծնվող երեխաներին: Գիտնականներն արդեն սկսել են այդ ուղղությամբ հետազոտություններ անցկացնել: