Քոչարյանը հեռացե՞լ է, թե` ոչ

«Ռոբերտ Քոչարյանի վերադարձի մասին խոսելուց առաջ նախ պետք է պարզել` նա հեռացե՞լ է, թե` ոչ»,- այսօրվա մամլո ասուլիսում հայտարարել է փորձագետ Արմեն Բադալյանը` հավելելով, որ եթե Քոչարյանը մամուլի ասուլիս չի տալիս, ինչ-որ մի գյուղում, ինչ-որ կարմիր ժապավեն չի կտրում, դա դեռ չի նշանակում, որ քաղաքականության մեջ նա չկա: «Երբ ասում ենք` գա, չի նշանակում, որ Մատենադարանի մոտ պետք է միտինգ անի: Այսօր շատ բարձրաստիճան պաշտոնյաներ դեռեւս իր մարդիկ են ու պարտադիր չէ, որ ինքն անձամբ գա, նա կարող է իր մերձավոր շրջապատին բերել, ղեկավար պաշտոնների դնել ու կուլիսների ետեւից կառավարել»:

Փորձագետ Կարեն Քոչարյանն էլ կարծում է, որ Ռոբերտ Քոչարյանի վերադարձը լինելու է մինչեւ նախընտրական շրջան, քանի որ փորձը ցույց է տալիս, որ նախկին նախագահի հետ պայմանավորվածությունները տեւում են մինչեւ նոր ընտրություններ: