Ինքնասպան է եղել Իրանի նախկին շահի որդին

Իրանի նախկին շահ Մոհամադ Ռեզա Փեհլավիի կրտեսեր որդին օրեր առաջ Բոստոնի իր տանը ինքնասպան է եղել:

Ալի Ռեզա Փեհլավիի մահվան մասին իր անձնական վեբ-կայքում գրել է նա ավագ եղբայրը, ում խոսքերով` «ինչպես իրանցի միլիոնավոր երիտասարդների, այնպես էլ Ալի Ռեզային խորապես անհանգստացրել է իր հայրենիքին սպառնող չարիքը»:

44-ամյա Ալի Ռեզա Փեհլավին սովորում էր Հարվարդի համալսարանում եւ պետք է մագիստրոսի աստիճան ստանար:

Իրանի նախկին շահ Մոհամադ Փեհլավին գահընկեց արվեց 1979 թվականին` իսլամական հեղափոխության ժամանակ: Նրա ընտանիքի անդամները բռնագաղթվեցին երկրից: Նախկին շահը մահացավ 1980 թվականին եւ թաղվեց Կահիրեում: Նրա կրտսեր դուստրը` Լեյլա Փեհլավին մահացավ 2001 թվականին` ենթադրվում է, որ թմրանյութերի չափաքանակի չարաշահումից:

Ավագ որդին 1984 թվականից ապրում է ԱՄՆ-ում: Ավելի վաղ նա հայտարարել էր, թե ինքը կտապալի Իրանի ներկայիս իշխանությունը եւ կզբաղեցնի սահմանադրորեն ընդունված միապետի պաշտոնը, եթե իրեն նման առաջարկ անեն:

Այս մասին հաղորդում է Associated Press-ը: