Հերոս մայրիկի 17 ձագերն էլ կենդանի են մնացել

Գերմանիայում շունը ծնունդ է տվել 17 ձագերի: «Բազմազավակ մայրիկի» տերը միաժամանակ և ոգևորված է, և հոգնած՝ մի քանի շաբաթ նրանց շշով կերակրելուց հետո: Պարզվում է նրանց մայրը չի կարողացել բավարարել բոլորին:

Ռամոնա Վեգմենը պատմում է, որ նա առանց ընդհատելու հազիվ թե մի քանի րոպեից ավել քնած լինի  այս վերջին չորս շաբաթվա ընթացքում՝ փորձելով ամեն ինչ անել, որպեսզի 17 ձագերն էլ ապրեն:

«Երեկ երբ վերջացրի վերջին ձագուկին կերակրել, առաջինը նորից սոված էր »,- ասել է նա:

Վեգմանը, ով անասնաբույժ է, ասել է, որ երբ շները այսքան շատ ձագ են ունենում, նրանցից մի քանիսը առաջին շաբաթվա ընթացքում սատկում են: «Բայց մեր ձագուկներից բոլորը ապրեցին: Սա անհավատալի և հրաշալի է»: