Ուղեկցորդուհուն 8 տարվա ազատազրկման են դատապարտել

Ազգությամբ հնդկուհի ուղեկցորդուհին, ով աշխատել է «Air Canada»-ի համար, դատապարտվել է 8 տարվա ազատազրկման՝ 250.000 ֆունտ ստերլինգ արժողությամբ կոկաին Բրիտանիա ներմուծելու համար:

Մանդիփ Շահին օգտվել է թույլ անվտանգությունից և 4 կիլո կոկաին բարձրացրել ինքնաթիռ իր ճամպրուկով, քանի որ քիչ է եղել հավանականությունը, որ «Air Canada»-ի անձնակազմին կենթարկեին թմրանյութերի ստուգումների:

«Heathrow» օդանավակայան հասնելուց հետո նա գնացել է հյուրանոց և հանձնել ապրանքը իր դպրոցական ընկերներ Սայմոն Հովարդ-Հարվուդին և Բալջինդեր Նիջարին:

Իր  ձերբկալամուցի հետո Շահին փորձել է արդարանալ՝ ասելով, որ իրեն օգտագործել են և նա զոհ է: Նա ասել է, որ տեղյակ չի եղել, որ իր ճամպրուկում թմրանյութ է եղել, սակայն դատարանը նրան միևնույնն է մեղավոր է ճանաչել:

Նրա գործընկերները ընդունել են իրենց մեղքը և դատապարտվել ինը և 12 տարվա ազատազրկման: