Ընդդիմադիր ռեժիսորներին 6 տարվա ազատազրկման են դատապարտել

Իրանում ընդդիմական հայացքներ ունեցող երկու ռեժիսորներ դատապարտվել են 6 տարվա ազատազրկման՝ իշխող համակարգի դեմ աշխատելու մեղադրանքների հիման վրա:

Ռեժիսորներից մեկը հայտնի կինոռեժիսոր Ջաֆար Փանահին է, ով «Չիկագո»-ի, «Կանն»-ի և «Բեռլին»-ի կինոփառատոնների մրցանակակիր է:

«Փանահիին 6 տարվա ազատազրկման են դատապարտել և արգելել են ֆիլմեր նկարել և սցենարներ գրել»,- ասել է Փանահիի փաստաբանը: «Նրան նաև արգելել են 20 տարվա ընթացքում դուրս գալ երկրից և հարցազրույցներ տալ տեղական կամ արտասահմանյան լրատվամիջոցներին»:

Փաստաբանն ասել է, որ բողոքարկելու է այս որոշումը:

Մյուս կինռեժիսորը Մուհամեդ Ռասուլովն է, ով նույնպես 6 տարվա ազատազրկման է դատապարտվել: Նրա փաստաբանը նույնպես հայտարարել է, որ բողոքարկելու է վճիռը: