Հայաստանում թվայնացման մասին չգիտեն

Խոսքի ազատության պաշտպանության կոմիտեն Երեւանի բնակչության շրջանում անցկացրել է հարցումներ` պարզելու համար հեռուստատեսության հեռարձակման թվայնացման անցումային շրջանի վերաբերյալ հանրության իրազեկվածության մակարդակը: Հարցումներին մասնակցել են տարբեր մասնագիտության 196 քաղաքացի` 92 տղամարդ եւ 104 կին: Հարցվածների 95 տոկոսը օգտվում է անալոգային հեռուստատեսությունից, նրանց մեծ մասը բավարար չափով տեղեկացված չէ թվայնացման գործընթացին, շատ չեն նաեւ նրանք, ովքեր կողմ են դրան: «Արդեն մեկ տարուց ավել է` քննարկվում են հեռուստատեսության թվայնացման հետ կապված փոփոխությունները, բայց հանրության իրազեկության մասին ոչ ոք չի խոսում, այն դեպքում, երբ սպառողը հենց բնակչությունն է»,- ասել է «Լրագրողներ հանուն ապագայի» հասարակական կազմակերպության նախագահ Սուրեն Դեհերյանը: