Մոսկվայում՝ ինչպես պատերազմում

Առաջիկա հանգստյան օրերին Մոսկվայում կարող են նոր ընդհարումներ տեղի ունենալ ֆանատների եւ հյուսիսկովկասցիների միջեւ. արմատական երիտասարդության հավաքը նշանակված է ժամը 15-ին, «Օստանկինո» հեռուստակենտրոնի մոտ: Չհաստատված տվյալներով, այսօր արդեն հնարավոր են բախումներ ազգայնական հողի վրա:

Այսօր քաղաքապետ Սերգեյ Սոբյանինը իրավապահ մարմիններին խնդրել է ուժեղացնել հսկողությունը փողոցներում եւ ապահովել քաղաքի անվտանգությունը:

Երեկ երեկոյան անհանգստացած դեպքերի նման զարգացումից ՌԴ նախագահ Դմիտրի Մեդվեդեւը հանդես է եկել հայտարարությամբ՝ պահանջել քրեական պատասխանատվության ենթարկել անկարգությունների մասնակիցներին եւ կոչ արել իրավապահներին ջարդարարությունների հետագա բոլոր փորձերը կանխելու համար խստագույն միջոցներ ձեռնարկել:

Որոշ լրատվամիջոցներ կարծիք են հայտնել, որ Մոսկվայում արյունալի բախումները մոսկվայում «ավետում» է Պուտինի վերադարձը: