Հայտնի են Ոսկե գլոբուսի անվանակարգերը

Երեկ հայտարարվել են «Ոսկե Գլոբուս» 2010 մրցանակաբաշխության անվանակարգերը: Ամենաշատ անվանակարգերում է հայտնվել Բրիտանական պատմական դրամա «Արքայի ելույթը» ֆիլմը, իսկ Facebook-ի մասին պատմող «Սոցիալական ցանցը» ֆիլմը վեց անվանակարգում է առաջադրվել:

Լավագույն դրամա ֆիլմ անվանակարգում առաջադրվել են «Սև կարապ», «Մարտիկը», «Սկիզբ», «Արքայի ելույթը» և «Սոցիալական ցանցը» ֆիլմերը:

Տարբեր անվանակարգերում նոմինացվել են դերասաններ Քոլին Ֆըրթը, Ռայան Գոսլինգը, Հոլի Բերին, Նիկոլ Քիդմանը, Նատալի Պորտմանը, Ջոնի Դեփը, Անջելինա Ջոլին և այլոք:

Մրցանակաբաշխությունն անցկացվելու է 2011 թ.-ի հունվարի 16-ին: Արարողությունը վարելու է անգլիացի կոմիկ Րիկի Գերվեսը, ով նաև անցկացրել է  «Ոսկե Գլոբուս» 2009 մրցանակաբաշխության արարողությունը: