Անտեսվեց ցուցարարների պահանջը

Հենց նոր ավարտվեց ՀՀ Ազգային ժողովի բնապահպանության հանձնաժողովի նիստը, որտեղ քննարկվեց շրջակա միջավայրի ազդեցության փորձաքննության մասին օրենքը, հանձնաժողովը առաջարկություն արեց 15 օրը փոխարինել 40 օրով: Այսօրվա գործող օրենքով սահմանված է 120 օր:

Բացի այդ, կառավարությունը նաեւ փոփոխություններ է կատարում իր որոշման մեջ: Մինչ այս փոփոխությունը փորձաքննությունը պարտադիր էր 1000 քմ շինարարություն կատարելու դեպքում, նոր փոփոխությամբ պարտադիր է 1500 քմ-ի դեպքում: Փաստորեն, այսօր վաղ առավոտյան կառավարության շենքի մոտ բնապահպանների բողոքի ցույցի մասնակիցների պահանջը անտեսվեց: Բնապահպանները շարունակելու են մեծ աղմուկ բարձրացնել փոփոխությունների դեմ, քանի որ, ըստ նրանց, այս օրենքով Երեւանի հակաէկոլոգիական կառուցապատումը տարածվելու է արդեն դեպի քաղաքի ծայրամասեր եւ հանրապետության այլ քաղաքներ: Եվ քանի որ օրենքի այս նախագիծը հնարավոր է Ազգային ժողովում քննարկվի դեկտեմբերի 15-ին, ժամը՝ 10-ին, կառավարության շենքից բողոքի երթ սկսվելու դեպի Ազգային ժողով՝ ընդդեմ շրջակա միջավայրի վրա ազդեցության փորձաքննության մասին ՀՀ օրենքում լրացում կատարելու մասին օրենքի նախագծի եւ Լեզվի եւ Հանրակրթության մասին օրենքներում փոփոխությունների դեմ:

Հիշեցնենք, որ այսօր վաղ առավոտյան կառավարության շենքի մոտ հայրենիքի հոգսերով անհանգստացած երկու խումբ ցուցարարներ նորից դուրս էին եկել բողոքի ցույցի, որը վերածվեց երթի՝ դեպի Ազգային ժողով:

Տեսանյութը տես ԱՅՍՏԵՂ