Թուրքիան ոտքի է կանգնում

Ամերիկյան «CNN International» հեռուստաալիքը այսօրվանից սկսած մեկ շաբաթ շարունակ աշխարհին կներկայացնի Թուրքիային: Իր «i-List Turkey» ծրագրի շրջանակներում հաղորդավար Զեյն Վերժեն կենդանի հարցազրույցներ է  անցկացնելու քաղաքական, տնտեսական, սպորտային և երաժշտական ոլորտներից թուրք հայտնի անձանց հետ, իսկ CNN-ի թղթակից Մուհամեդ Ջամջումը ներկայացնելու է Թուրքիայի տարբեր ապրելաոճերը և առևտրական խնդիրները:

Մի խոսքով, հաղորդման նպատակն է Թուրքիային լավ կողմից ցույց տալը, իսկ Թուրքիայինն էլ՝ լավ կողմից ներկայանալը:

CNN-ի «i-List» ծրագիրը ամեն ամիս մի երկիր է ներկայացնում: Այն ընդգծում է նորարարացումը և բիզնեսի վրա ազդեցությունը, արդյունաբերությունը, մշակույթը և ավելին:  

Իսկ մարտ ամսում «CNN International»-ով «Թուրքիան ոտքի է կանգնում» խորագրով ֆիլմեր են ցուցադրվելու: