Wikileaks. Սիրիան զենք է մատակարարում Հըզբոլլահին

Wikileaks- ի հրապարակած մի փաստաթղթում ասվում է, որ Սիրիայում Հըզբոլլահ-ը ռազմական օբյեկտներ ունի եւ Իսրայելի ու Հըզբոլլահի միջև հնարավոր պատերազմի դեպքում, այդ օբյեկտներից հարձակվելու է Իսրայելի վրա:

Փաստաթղթում ասվում է, որ Սիրիան Հըզբոլլահին հեռահար և ղեկավարվող հրթիռներ է տրամադրել եւ այս ավելացող աջակցությունը կարող է փոխել ռազմական հավասարակշռությունը, եւ հնարավոր պատերազմի դեպքում հետևանքներն ավելի ծանր կլինեն, քան 2006-ի պատերազմի ընթացքում:

Դամասկոսում ԱՄՆ ժամանակավոր հավատարմատար Չարլզ Հանթերը 2009-ի նոյեմբերին ԱՄՆ ուղարկած հեռագրում տեղեկացնում է, որ եթե անգամ Թել Ավիվում իսրայելցիների գլխին հրթիռներ տեղան, Իսրայելը ստիպված է լինելու դարձյալ խուսափել Սիրիայի հետ ռազմական գործողություններ ծավալելուց: