Քաղծառայության համակարգը 10 տարեկան է

Դուբլինում որոշում է ընդունվել, որ հաջորդ տարի Եվրոպայի քաղաքացիական ծառայության ցանցի ամենամյա կոնֆերանսը անց է կացվելու Երեւանում: Այս մասին լրագրողների հետ հանդիպման ժամանակ ասաց ՀՀ քաղաքացիական ծառայության խորհրդի նախագահ Մանվել Բադալյանը:

Բացի այս` մյուս տարվա դեկտեմբերին լրանում է ՀՀ «Քաղաքացիական ծառայության մասին» օրենքի ընդունման տասը տարին: Իսկ 2012 թ-ի հունվարին նշվելու է նաեւ Հայաստանում քաղծառայության համակարգի հիմնադրման տասնամյակը:

Այս տարվա ընթացքում քաղծառայության համակարգը միջազգային համագործակցության հուշագրեր է կնքել Իռլանդիայի, Կիպրոսի, Լիբանանի և միջազգային կազմակերպությունների ու կառույցների հետ: Սրանց արդյունքում մշակվել են նաեւ աշխատանքային համատեղ ծրագրեր: