Մարգարիտա Սիմոնյանը վիրահատվել է ճառագայթային թերապիայի հետևանքների պատճառով

«Ռոսիա սեգոդնյա» մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը հայտնել է, որ վիրահատության է ենթարկվել։ Վիրահատությունը կատարվել է ուշ երեկոյան, իսկ այժմ նա գտնվում է հիվանդանոցում։ Այս մասին Սիմոնյանը գրել է իր MAX ալիքում։

Նրա խոսքով՝ վիրահատության անհրաժեշտություն է առաջացել կես տարի առաջ անցած ճառագայթային թերապիայի կողմնակի ազդեցությունների պատճառով։ Բուժման հետևանքները հայտնաբերվել են ՊԷՏ/ԿՏ հետազոտության ընթացքում, և անհրաժեշտ է եղել միջոցներ ձեռնարկել դրանց դեմ պայքարելու համար։

Սիմոնյանը դիմել է նմանատիպ բուժում անցնող կանանց՝ հորդորելով նրանց չանհանգստանալ։

«Մի՛ անհանգստացեք, աղջիկներ։ Ամեն ինչ հիմա արվում է, փառք Աստծո, Աստծո օգնությամբ։ Աղոթեք և արեք այն, ինչ անհրաժեշտ է»,- գրել է նա։

Ավելի վաղ լրագրողը հայտարարել էր, որ ուռուցքային հիվանդության դեմ պայքարի շրջանակում հաջողությամբ ավարտել է թերապևտիկ բուժման կուրսը։ Սիմոնյանը նաև անձամբ հաստատել էր, որ իրեն հաջողվել է հասնել կայուն ռեմիսիայի։

Оставить отзыв