Բյուրեղավանի բնակիչները շարունակում են բուժօգնության դիմել թունավորման բռնկման ֆոնին. «Sputnik Արմենիա»

Բյուրեղավանի բնակիչները շարունակում են բուժօգնության դիմել թունավորման բռնկման ֆոնին. Արմեն Վարդումյանը «Sputnik Արմենիա»-ին տեղեկացրել է, որ ախտանշանները նույնն են՝ փորլուծություն, սրտխառնոց, փսխում։

Ընդ որում, Ջրային կոմիտեի ղեկավար Արամազդ Ղալամքարյանը պնդում է, որ Բյուրեղավանի կենտրոնացված ջրամատակարարման համակարգից վերցված ջրի նմուշներում շեղումներ չեն հայտնաբերվել:

Հանրային հեռուստաընկերության եթերում նա հայտարարել է, որ ստուգված բոլոր հասցեներում ջրի մեջ քլորի պարունակությունը եղել է սահմանված նորմերի սահմաններում:

Ավելի վաղ հայտնել էինք, որ ՀՀ Կոտայքի մարզի Բյուրեղավան քաղաքից աղիքային վարակին բնորոշ գանգատներով ամբուլատոր բուժօգնության դիմել է 7 անձ։

Բյուրեղավան համայնքից աղիքային վարակին բնորոշ գանգատներով բուժօգնության էին դիմել սեպտեմբերի 6-ին: Նմանատիպ նախորդ դեպքերը գրանցվել էին այս տարվա ապրիլի 21-ին և հուլիսի 17-ին: Բոլոր դեպքերում էլ աղիքային վարակը գրանցվել է ծորակի ջուր խմելու պատճառով: Բնակիչների գանգատները նույնն են եղել` սրտխառնոց, փսխումներ, ջերմություն, երբեմն՝ լուծ։

Սակայն Ջրային կոմիտեի նախագահ Արամազդ Ղալամքարյանը Հանրային հեռուստաընկերության եթերում ասել էր, որ Բյուրեղավանի ջրամատակարարման համակարգից վերցված ջրի նմուշներում որևէ շեղում չի արձանագրվել։