Ուկրաինայի զինված ուժերի հարձակումների հետևանքով Էներգոդարում կա զոհ և վիրավորներ

Ուկրաինայի զինված ուժերի ահաբեկչական հարձակումների հետևանքով Էներգոդարում զոհվել է մեկ խաղաղ բնակիչ, երեք մարդվիրավորվել են։ Այս մասին հայտնում է ՌԻԱ Նովոստին՝ վկայակոչելով քաղաքապետ Մաքսիմ Պուխովին։

«Հակառակորդի ահաբեկչական հարձակումների հետևանքով տուժել է չորս խաղաղ բնակիչ։ Ցավոք, ստացած վնասվածքներից մեկ մարդ մահացել է», - նշել է Պուխովը։

Նրա խոսքով՝ բոլոր վիրավորներին ցուցաբերվել է անհրաժեշտ բուժօգնություն։ Տուժածներից մեկն այժմ վիրահատվում է, նրա վիճակը գնահատվում է ծանր:

Հարվածները հասցվել են երկաթուղային կայարանին և բնակելի շենքերին։

Քաղաքապետը բնակիչներին խնդրել է հնարավորինս սահմանափակել տեղաշարժերը քաղաքում և ԱԹՍ-ի հարձակման կամ գնդակոծության սպառնալիքի դեպքում անմիջապես դուրս գալ մեքենայից ու պատսպարվել մոտակա անվտանգ վայրում: